Սփյուռքի հետազոտությունների բաժին

Սփյուռքի հետազոտությունների բաժնի գործունեության հիմնական նպատակը ժամանակակից սփյուռքի ուսումնասիրության համար անհրաժեշտ վերլուծական ռեսուրսի ստեղծումն է: 

Բաժինն իր առջև դրել է հետևյալ խնդիրերը.

  • էթնոսի տարբեր հատվածների տնտեսական, սոցիալական և հոգևոր ներուժի բացահայտում, 
  • համազգային և առանձնահատուկ խնդիրների լուծման  գործընթացում էթնոսի համախմբող ներուժի ակտիվացման ուղիների որոնում,
  • ազգային նկարագրի  պահպանմանն ու զարգացմանն ուղղված ռազմավարության մշակում:

2023-03-22

Armenian

Սույն թվականի մարտի 22-ին Սփյուռքի գործերի գլխավոր հանձնակատար

Զարեհ Սինանյանը հյուրընկալել էր Սփյուռքի հետազոտությունների բաժնի

աշխատակիցներին: Հանդիպմանը քննարկվեցին համատեղ գործունեության

շրջանակները, խնդիրները և հեռանկարները:

Հանդիպումները ունենալու են շարունակական բնույթ:

2023-03-16

Armenian

2023թ.  մարտի  16-ին Սփյուռքի հետազոտությունների

բաժնում տեղի ունեցավ  «Սոցիոլոգիական նյութը որպես

պատմական աղբյուր» թեմայով սեմինար, որը վարեց

բաժնի վարիչ, պ.գ.դ. Ռուբեն Կարապետյանը:

2023-03-06

Armenian

ImageՊրահայի Կարլի համալսարանի հովանավորությամբ լույս

է տեսել հայկական սփյուռքին նվիրված «Հայկական

սփյուռքի զարգացումը» ( Armenian Diaspora in Dinamics )

անգլերեն հոդվածների ժողովածուն։

Գրքի հրատարակիչն է  Ժողովրդավարության եւ մշակույթի

ուսումնասիրությունների կենտրոնը, իսկ գլխավոր խմբագիրներն են

Ռուբեն Կարապետյանը, Սոնա Ներսիսյանը եւ Մարտա Մեժլումյանը։

Ժողովածուն նվիրված է հայկական սփյուռքի եւ տարբեր երկրներում ապրող

հայերի զարգացման պատմական փորձին, ժամանակակից զարգացման

միտումների վերլուծությանը։

 

Աղբյուր՝ www.orer.eu

2023-02-16

Armenian

Սույն թվականի փետրվարի 15-ին Սփյուռքի հետազոտությունների

բաժինը հյուրընկալել էր Սփյուռքի գլխավոր հանձնակատար Զարեհ

Սինանյանին: Հանդիպմանը մասնակից էին նաև պատգամավոր

Վիգեն Խաչատրյանը, ազգագրագետ, պ.գ.թ. Հրանուշ Խառատյանը և այլոք:

Հանդիպման ընթացքում բաժնի ղեկավար Ռուբեն Կարապետյանը

ներկայացրեց բաժնի կողմից կատարվող հետազոտությունների նպատակները,

մեթոդաբանությունը և այլն... 

2023-01-19

Armenian

Սույն թվականի հունվարի 19-ին տեղի ունեցավ Սփյուռքի հետազոտությունների

բաժնի հերթական նիստը: Նիստի ընթացքում քննարկվեցին նախատեսվող

գիտաժողովների և սեմինարների կազմակերպչական աշխատանքներին

առնչվող մի շարք հարցեր կապված թեմատիկայի, մասնակիցների, հոդվածների

ժողովածուի հետ:

2022-12-26

Armenian

2022թ. դեկտեմբերի 12-25-ը «Սփյուռքի ներուժի քարտեզագրման մոդելի մշակում

ֆրանսահայերի ուսումնասիրության օրինակով» ծրագրի շրջանակներում Սփյուռքի

հետազոտությունների բաժնի գիտաշխատողներ Լուսինե Տանաջյանի և Սոնա Ներսիսյանի

կողմից իրականացվել է Մարսելի (Ֆրանսիա) հայ համայնքի ուսումնասիրություն:

Ուսումնասիրությունն իրականացվել է դիտարկման (համայնքային կյանքի, միջավայրում

հայկականության դրսևորումների) և խորին հարցազրույցներ (հայ համայնքի տարբեր

խմբերի և կազմակերպությունների ներկայացուցիչների հետ) մեթոդների կիրառմամբ:

Գործուղման ընթացքում հանդիպումներ են տեղի ունեցել կրթական հաստատությունների,

եկեղեցու, մեդիայի, մշակութային կազմակերպությունների, ազգային հարցերով զբաղվող

կառույցների, հասարակական կազմակերպությունների,  անհատների՝  մշակույթի, գիտության,

ձեռնարկատիրության ոլորտի ներկայացուցիչների հետ:

2022-12-08

Armenian

Սույն  թվականի դեկտեմբերի 6-7-ը Սփյուռքի հետազոտությունների բաժնի

գիտաշխատողներ Սոնա Ներսիսյանը,  Լուսինե Տանաջյանը և Սյուզաննա

Բարսեղյանը մասնակցել են «Արաբական Ծոցի երկիրներու հայերը» խորագրով

գիտաժողովին, որը  կազմակերպվել է Լիբանանի Հայկազյան համալսարանի

Սփյուռքի ուսումնասիրությունների կենտրոնի (ADRC) կողմից Կ.Գյուլբենկյան

հիմնադրամի աջակցությամբ...

Image

2022-11-25

Armenian

«Սեփական և այլազգի միջավայրում հայերի համեմատական հետազոտության

հիմնական ուղղությունները. ուսումնասիրության խնդիրներն ու հեռանկարները»

ծրագրի շրջանակներում 2022թ. նոյեմբերի 10-24-ը Սփյուռքի հետազոտությունների

բաժնի գիտաշխատողներ Լուսինե Տանաջյանի, Սոնա Ներսիսյանի, Սյուզաննա

Բարսեղյանի և Նելլի Խաչատուրյանի կողմից իրականացվել է Չեխիայի

հայ համայնքի էթնոսոցիոլոգիական  հետազոտություն...

 

2022-10-31

Armenian

Սույն թվականի հոկտեմբերի 31-ին  Սփյուռքի հետազոտությունների բաժնում տեղի

ունեցած նիստի ընթացքում քննարկվել է բաժնի գիտաշխատողների կողմից

«Սեփական և այլազգի միջավայրում հայերի համեմատական հետազոտության

հիմնական ուղղությունները. ուսումնասիրության խնդիրներն ու հեռանկարները»

ծրագրի շրջանակներում Չեխիա կազմակերպվող գործուղման ամփոփիչ

աշխատանքները՝ համակարգվեցին օբյեկտների ընտրության սկզբունքը, դաշտային

նյութերի հավաքագրման մեթոդաբանությունը և գործիքակազմը:

Ինչպես նաև քննարկվեց Պրահայում բաժնի կողմից տպագրվող գրքի շնորհանդեսին

վերաբերող մանրամասներ:

2022-09-20

Armenian

Սփյուռքի հետազոտությունների բաժնում ս.թ. սեպտեմբերի 20-ին

տեղի ունեցավ առցանց հանդիպումը, որին ներկա էր նաև Պրահայի

Կառլովի համալսարանի Էթնոլոգիայի ինստիտուտի Արվեստի բաժնի

հետազոտող Մարթա Մեջլումյանը:

Հանդիպումը նվիրված էր բաժնի աշխատակիցների կողմից Չեխիայում

անցկացվելիք հետազոտական աշխատանքների ընթացքի պլանավորմանը:

Ինչպես նաև քննարկվեց բաժնի կողմից Պրահայի Կառլովի համալսարանի

հովանու ներքո հոդվածների միջազգային ժողովածուի տպագրման

աշխատանքններին վերաբերվող հարցեր:

Քննարկման արդյունքում մշակվեցին առաջիկայում գործադրելիք անելիքները:

Pages